Жител на скопското село Долно Лисиче пријавил во полиција дека заталкан куршум го оштетил стаклото од неговиот балкон, информираат од Министерството за внатрешни работи.
Настанот бил пријавен на 26 февруари 2026 година во СВР Скопје. Според пријавата на Д.А., додека седел во дворот од својата куќа, слушнал истрел, по што забележал дека стаклото од балконот е оштетено. При проверката пронашол зрно од огнено оружје, за кое се претпоставува дека е заталкано.
На местото на настанот извршен бил увид од увидна екипа на СВР Скопје, а пронајденото зрно било подигнато и ќе биде предмет на понатамошна постапка.
Полицијата работи на расчистување на случајот и утврдување на околностите под кои е испукан куршумот.
▶ Случајно видео
Пробај ја и оваа алатка:
