Дваесет и осумгодишен маж од Пробиштип бил лишен од слобода во ноќен клуб на подрачјето на Карпош во Скопје, откако кај него била пронајдена бела прашкаста материја, а подоцна физички нападнал и полициски службеници.
Како што информираат од полицијата, на 19 април 2026 година во 02:50 часот, полициски службеници од Единицата за интервентна полиција при СВР Скопје го привеле Н.Т. (28) од Пробиштип во ноќен клуб во Карпош.
При интервенцијата, кај него била пронајдена и одземена бела прашкаста материја.
Според пријавеното, по пристигнувањето во кругот на Полициската станица Карпош, тој физички нападнал полициски службеници кои вршеле службени дејствија и се обидел да избега, но бил совладан и повторно приведен.
По целосното документирање на случајот, против него ќе биде поднесена соодветна пријава.
