Четири лица, меѓу кои и двајца малолетници, се приведени поради разбојништво во Градскиот парк во Скопје, откако со закана со нож одзеле пари од неколку малолетници.
Настанот се случил на 11 април околу 21 часот во близина на фонтаната во паркот, кога осомничените С.А. (20), Н.Д. (40) и двајца малолетници им се заканиле на други малолетни лица и им одзеле пари.
По пријавата, полициските службеници од СВР Скопје веднаш презеле мерки и активности, по што сторителите биле пронајдени и лишени од слобода, а потоа приведени во Полициската станица Центар.
По целосно документирање на случајот, против нив ќе бидат поднесени соодветни кривични пријави.
