СВР Охрид поднесе кривична пријава против М.Т. (40) од охридското село Лескоец, поради сомнение дека сторил кривично дело „убиство во обид“.
Според информациите од полицијата, инцидентот се случил на 30 декември 2025 година, околу 01:00 часот, во близина на струшкото село Ливада. Осомничениот со огнено оружје пукал кон паркирано патничко возило „голф“, во кое се наоѓал Џ.Д.П. (40) од Охрид.
Возачот се здобил со тешки телесни повреди, кои биле констатирани во Општа болница Струга.
По пукањето, како што наведуваат од СВР Охрид, осомничениот со сериозни закани ја принудил сопатничката од возилото да влезе во неговиот автомобил.
Поради тежината на настанот и собраните докази, против М.Т. е поднесена соодветна кривична пријава, а надлежните институции продолжуваат со понатамошна постапка.
